Pas injorimit që kryediplomates Donika Gërvalla ia bëri kryeministri grek Kyriakos Mitokasis, ajo sot është injoruar edhe nga shefi i saj në ekzekutiv, kryeministri Albin Kurti.
Në një postim në Facebook, kryeministri Kurti sot ka shkruar për takimet që ka zhvilluar në Konferencën e Sigurisë në Mynih.
Ai e ka përmendur takimin me kryeministrin grek, por as aty nuk e ka përmendur ministren Gërvalla, shkruan Demokracia.com.
Kurti ka thënë se me presidenten Vjosa Osmani-Sadriu janë takuar me kryeministrin grek Kyriakos Mitsotakis, ku edhe është theksuar rëndësia e njohjes së shtetit të Kosovës nga Greqia.
“Për marrëdhëniet bilaterale dhe fushat e bashkëpunimit biseduam me kryeministren e Estonisë, Kaja Kallas, me kryeministrin e Bullgarisë, Kiri Petkov, dhe me kryeministrin e Maqedonisë së Veriut, Dimistar Kovaçevsik. Kurse bashkë me presidenten Vjosa Osmani Sadriu, takuam kryeministrin grek Kyriakos Mitsotakis, ku theksuam rëndësinë e njohjes së shtetit të Kosovës nga Greqia, si hap i radhës i natyrshëm drejt thellimit të mëtutjeshëm të raporteve mes dy shteteve tona”, ka shkruar Kurti, përcjell Demokracia.com.
Ndryshe, të shtunën Kurti, Osmani e Gërvalla, kanë zhvilluar një takim edhe me kryeministrin grek, Mitokasis.
Një detaj që është vërejtur nga ky takim është se lideri grek nuk i kishte folur fare kryediplomates Gërvalla, duke mos ia zgjatur as dorën. /Demokracia.com/
LEXO EDHE:
VIDEO| Kryeministri grek takohet me Kurtin e Osmanin, Gërvallës nuk ia zgjat fare dorën