Në oborrin e rektoratit të UP-së sot pritet të protestohet duke u kërkuar përjashtimi i profesorit të UP-së, Ardian Kastratit.
Një status në Facebook rreth një gruaje me mbipeshë nga ana e deputetit dhe profesorit universitar Ardian Kastrati ka ngjallur reagime të shumta, derisa e ka postuar në momentet kur Vjosa Osmani u zgjodh Presidente e vendit.
Për këtë arsye është paralajmëruar edhe protestë sot për në ora 11:00.
“Pas një konsultimi të aktivistëve, u vendos që nesër me fillim nga ora 11:00, në oborrin e rektoratit të UP-së mbahet protesta simbolike dhe tubimi përgatitor për fillimin e protestave me qëllim të ndërprerjes së gjuhës seksiste nga stafi akademik i UP-së, konkretisht përjashtimit të Ardian Kastratit nga UP ku ai është profesor. Seksizmi nuk do të financohet nga taksapaguesit”, shkroi Rron Gjinovci në Facebook, i cili udhëheq me ORCA, organizatë për rritjen e cilësisë në arsim./Demokracia/
NJOFTIM
Pas një konsultimi të aktivistëve, u vendos që nesër me fillim nga ora 11:00, në oborrin e rektoratit të UP-së…
Posted by Rron Gjinovci on Sunday, April 4, 2021