Silvio Berlusconi është gati të bëhet sërish baba në moshën 86-vjeçare. Siç zbulohet nga Roberto Alessi, drejtor i të përjavshmes “Novella 2000” dhe drejtor editorial i “Visa”, partnerja e “Kavalierit”, Marta Fascina, 32 vjeçe, thuhet se është shtatzënë.

Alessi në rubrikën e tij shkroi: “Sapo u festua dasma simbolike midis presidentit Silvio Berlusconi dhe të nderuarës Marta Fascina, disa thashetheme po qarkullojnë.

Marta mund të presë një fëmijë, sepse është vetëm 32 vjeçe, – vazhdon Alessi, – por sigurisht që 86-ta e Silvio më bën të mendoj se ky thashethem mund të jetë i pavërtetë. Megjithatë, para së gjithash, ata janë shumë të dashuruar (dhe e di me siguri).

Silvio, siç e quajnë fansat e tij, sigurisht që nuk është i mbaruar në këtë drejtim, por plot energji. Nga ana tjetër, Charlie Chaplin pati fëmijë deri në një moshë shumë të vjetër, dhe e kam fjalën për 60 vite më parë”.

Nëse ky lajm do të ishte i vërtetë, për Berlusconi do të vinte në jetë fëmija i gjashtë.