Pas hapjes së Ambasadës së Kosovës në Jerusalem, ka reaguar Partia Demokratike Turke.

Partia Demokratike Turke (KPDT), në Kosovë ka reaguar pas hapjes së ambasadës së Kosovës në Jerusalem.

Përmes një reagimi, KPDT ka shprehur shqetësimin, duke thënë se Turqia vazhdimisht ka qenë kundër kësaj dhe deputetët turq në Kuvendin e Kosovës e kanë konsideruar si hap të gabuar.

“Ne e presim me shqetësim dhe pikëllim hapjen e ambasadës në Jerusalem, e cila është nën rezolutat e Kombeve të Bashkuara. Pavarësisht këshillave të vendeve evropiane, Republikës së Turqisë dhe paralajmërimeve tona në Parlament, qeveria, e cila gjithashtu ka dalë nga marrja e mbështetjes së popullit të Kosovës, ka diskutuar këtë hap të gabuar që vendi po përpiqet ta finalizojë”, thuhet në reagim.

Sipas tyre, hapja e Ambasadës në Jerusalem, do të ketë efekte të drejtpërdrejta negative në proceset diplomatike mes Kosovës dhe Turqisë dhe politikat e shtet-ndërtimit.

“Si parti, ne shprehim respektin tonë për popullin e Kosovës dhe do të jemi ndjekës të të gjitha fushave për të rishikuar këtë vendim të gabuar”, thuhet tutje.

Ndryshe, Kosova është vendi i tretë pas SHBA-së dhe Guatemalës që hapi misionin e saj diplomatik në Jerusalem.

Në njoftimin e Ministrisë së Punëve të Jashtme dhe të Diasporës thuhet se vendosja e selisë së Ambasadës së Kosovës në Shtetin e Izraelit në Jerusalem bazohet në Marrëveshjen e Uashingtonit të 4 shtatorit 2020, ku zyrtarizohet njohja e ndërsjellë mes Republikës së Kosovës dhe Shtetit të Izraelit dhe zotimit të qeverisë së Kosovës ndaj qeverisë izraelite dhe administratës amerikane dhe veprimet që janë ndërmarrë nga 1 shkurti. /Demokracia.com/

https://www.facebook.com/kdtp.rks/posts/4135424309825209