Futbollisti uruguaian Darwin Núñez doli të ishte një nga dështimet më të mëdha të Liverpoolit në vitet e fundit, pasi ai nuk po justifikon me të vërtetë paratë e investuara për ardhjen e tij.

Me paraqitjen në derbin ndaj Manchester Cityt që përfundoi eme rezultat të barabartë 1-1, është aktivizuar klauzola në kontratën e nënshkruar nga Benfica dhe Liverpool gjatë transferimit.

Aty thuhet se klubi anglez do t’i paguajë Benficas gati 10 milionë euro pasi futbollisti kapi shifrën 60-të ndeshjeve të luajtura për klubin, shumë kjo e cila tashmë do të kalojë në llogarinë e klubit portugez pasi ndeshja ndaj Cityt ishte e 60-ta për sulmuesin.

Një klauzolë e tillë tashmë ishte aktivizuar kur Nunez kishte bërë paraqitjen e dhjetë për “Të Kuqtë” dhe kështu klubi anglez pagoi rreth pesë milionë euro në drejtim të Benficas.

Nunez ka shënuar 22 gola në 60 paraqitje deri më tani me Liverpoolin, shifra këto që pritet të rriten në vazhdim.

24-vjeçari nuk kishte shënuar në sfidën ndaj “Qytetarëve”, mirëpo pas përfundimit të ndeshjes kishte pasur një konflikt verbal me Guardiolën por që situata nuk doli jashtë kontrollit pasi kishin ndërhyrë pjesëtarë të dy ekipeve për të shmangur diçka më të madhe.