Policia e Kosovës do të mbajë një konferencë të jashtëzakonshme pasditen e sotme, pas realizimit të një operacioni të suksesshëm policor.
Kështu është bërë e ditur përmes një njoftimi për medie nga Policia e Kosovës në të cilin thuhet se konferenca e jashtë zakonshme do të mbahet në ora 15:30, në stacionin policor “Qendra” në Prishtinë, përcjell Demokracia.com.
“Operacioni policor i realizuar në bashkëpunim dhe koordinim me Prokurorinë Speciale të Kosovës, ka rezultuar me arrestimin e disa personave nën dyshimin e bazuar për përfshirje në krim të organizuar. Në këtë konferencë do të marrin pjesë përfaqësues nga Prokuroria Speciale dhe Policia e Kosovës, ku do të shpalosin detaje lidhur me operacionin policor”, thuhet në njoftim.
Njoftimi i plotë i Policisë së Kosovës:
Përmes kësaj shkrese zyrtare ju ftojmë të merrni pjesë në konferencën e jashtëzakonshme të organizuar nga Policia e Kosovës, e cila ka të bëjë me realizimin e një operacioni të suksesshëm policor.
Operacioni policor i realizuar në bashkëpunim dhe koordinim me Prokurorinë Speciale të Kosovës, ka rezultuar me arrestimin e disa personave nën dyshimin e bazuar për përfshirje në krim të organizuar.
Në këtë konferencë do të marrin pjesë përfaqësues nga Prokuroria Speciale dhe Policia e Kosovës, ku do të shpalosin detaje lidhur me operacionin policor.
Vendi : Salla e Stacionit policor “Qendra” në Prishtinë
Datë: 24.03.2021
Ora: 15:30/Demokracia.com/