Shoqata e Gastronomëve të Kosovës ka bërë të ditur se nëse Qeveria e Kosovës rikthen masat anti-Covid pas zgjedhjeve të 14 shkurtit, do të dalin në protesta.

Gastronomët përmes një njoftimi për media ka paralajmëruar protesta nëse ndryshohet vendimi i sotëm, pas zgjedhjeve që do të mbahen të dielën, përcjell Demokracia.com.

““Sqarim: GASTRONOMËT JANË TË REVOLTUAR! Me rastin e shkeljes së masave Anti-Covid për arsye të organizimit të tubimeve politike, dhe shfrytëzimit të hapësirave tona për qëllime të fushatave zgjedhore nga çdo parti politike, është bërë padrejtësi e madhe dhe trajtim i pabarabartë në raport me ne, ekonominë, dhe rreth 100 mijë qytetarë që rrezikojnë të mbesin të papunë në çdo industri! Në rast se vendimi i sotëm ndryshon pas zgjedhjeve të 14 shkurtit, ju njoftojmë se do të ketë organizim të protestave nga gastronomët!”, thuhet në një reagim të gastronomeve.

Kujtojmë se Qeveria e Kosovës sot ka lehtësuar masat anti-Covid.

Sipas vendimit të ri, hiqet kufizimi i lëvizjes dhe zgjatet orari i punës deri në 22:00 për gastronominë./Demokracia.com/