Papa Françesku ka kritikuar vendet Perëndimore për rritjen e shpenzimeve ushtarake, ndërsa pushtimi rus në Ukrainë po vazhdon.

Gjatë një fjalimi që mbajti në Qendrën Italiane të Grave në Romë, Papa tha se strategjitë gjeopolitike janë një ndër shkaktarët e luftës në Ukrainë dhe që nuk mbështet as sanksionet, as armët.

“Përgjigja e vërtetë ndaj luftës nuk janë armë të tjera, sanksione të tjera, aleanca të tjera politiko-ushtarake, por një qasje tjetër, një mënyrë tjetër e qeverisjes së botës tashmë të globalizuar- duke mos treguar dhëmbët”, tha Papa.