Më herët sot, fotot dhe pamjet treguan dëmtime të anijes luftarake ruse “Moskva”, e cila u mbyt në Detin e Zi javën e kaluar. Pamjet dhe dy fotografi përputhen me formën dhe dizajnin e Flotës së Detit të Zi të Rusisë, sipas një analize të BBC, përcjellë Demokracia.com.

Pamjet tregojnë tymin që ngrihet dhe vrima në të gjithë anijen, duke treguar se një sasi e konsiderueshme uji ka hyrë shpejt në anije. Gjithashtu, duket se janë përdorur të gjitha varkat e shpëtimit.

Ukraina thotë se goditi me sukses “Moskvën” me dy raketa Neptun, ndërsa Moska pretendon se anija u dëmtua pas shpërthimit dhe më pas u fundos për shkak të një stuhie në det.

Kremlini tani ka komentuar pamjet dhe fotot.

“Ne e kemi parë regjistrimin, por nuk mund të themi se sa autentike dhe e vërtetë është”, tha Dmitry Peskov, një zëdhënës i presidentit rus, Vladimir Putin. /Demokracia.com/