Ambasadori i Rusisë në Poloni është sulmuar me bojë të kuqe nga protestuesit gjatë ditës së djeshme.
Ngjarja ka ndodhur teksa ky i fundit nderonte ushtarët e Bashkimit Sovjetik të vrarë gjatë Luftës së Dytë Botërore në ditën e Fitores së Moskës.
Sipas informacioneve nga mediat e huaja turmat bërtisnin ‘fashistë’ ndaj Sergej Andrejevit derisa e rrethuan atë. Kjo vjen pas 10 javësh lufte brutale në Ukrainë.
Shumë prej tyre mbanin flamuj të Ukrainës për të treguar mbështetjen e tyre për vendin e shkatërruar nga lufta, derisa presidenti ukrainas, Volodymyr Zelensky paralajmëroi se “e keqja ka rilindur 77 vjet pasi nazistët u mundën në Evropë”.
Siç shihet në video ambasadori rus duket se është i vendosur në qëndrimin e tij, edhe pse vijon të ngjyroset me bojë të kuqe qëndron i palëvizur.
Më 9 maj, rusët shënojnë Ditën e Fitores, apo ditën e fitores së Bashkimit Sovjetik ndaj Gjermanisë naziste në Luftën e Dytë Botërore.
Gjatë ditës së sotme, presidenti rus Vladimir Putin ka mbajtur fjalimin e tij në Sheshin e Kuq të Moskës.
?? Посла РФ в Польше Сергея Андреева, пришедшего с цветами на кладбище советских воинов, облили красной краской pic.twitter.com/OPGMThsvB1
— Рустем Адагамов (@adagamov) May 9, 2022
