Dy persona kanë vdekur dhe një tjetër ka mbetur i lënduar rëndë pas një vetaksidenti të ndodhur sot rreth orës 20:30 në rrugën që lidh fshatin Sfeqël dhe Shajkovc në Podujevë. Lajmin e ka konfirmuar zëdhënësja e Policisë së Kosovës, Flora Ahmeti.

Siç merr vesh Gazeta Express, dy viktimat janë të datëlindjeve 1981 dhe 1995.

Mediat lokale të Podujevës ndërkohë kanë publikuar edhe fotografinë nga vendi i aksidentit.