Pakistani hedh poshtë akuzat e Indisë, duke thënë se nuk ka pasur shkelje të armëpushimit.

Ministri i informacionit i vendit, duke folur për median pakistaneze Geo News, thotë se deri më tani nuk ka pasur shkelje të armëpushimit.

“Pakistani nuk mund të shkelë armëpushimin dhe as nuk ka menduar për këtë. Është një moment festimi dhe kombi pakistanez po feston fitoren e tij sot”, tha ministri pakistanez.

India pretendon se një seri shpërthimesh të fuqishme u dëgjuan herët në mbrëmjen e së shtunës në Srinagar, qyteti më i madh në Kashmirin Indian, dhe për pasojë energjia elektrike u ndërpre.

Ishte presidenti amerikan Donald Trump ai që njoftoi shpalljen e armëpushimit mes Indisë dhe Pakistani, që u mundësua nga Shtetet e Bashkuara të Amerikës.

“Urime të dy vendeve për logjikën dhe depërtimin që treguan. Faleminderit për vëmendjen tuaj ndaj kësaj çështjeje”, u shpreh republikani.