Emisari i BE-së për dialogun Kosovë-Serbi, Miroslav Lajçak, ka konfirmuar se sot është mbajtur takimi i gjashtë me radhë mes delegacioneve të dy vendeve lidhur me çështjen e targave të veturave.
Lajçak përmes një postimi në llogarinë e tij në Facebook ka thënë se po punohet që të gjendet një bazë e përbashkët, përcjell Demokracia.com.
“Ndërkohë, delegacionet e ekspertëve nga Kosova e Serbia janë takuar sot në Bruksel, për herë të gjashtë lidhur me çështjen e tabelave. Ekspertët e BE-së ndihmuan të dy delegacionet në identifikimin e të gjitha opsioneve ekzistuese dhe implikimet e tyre teknike. Tani është koha për t’u angazhuar në gjetjen e bazës së përbashkët”, ka thënë ai, përcjell Demokracia.com.
In the meantime, expert delegations of Kosovo & Serbia met in Brussels today for the 6th meeting of the WG on Licence Plates. EU experts assisted both delegations in identifying all existing options & their technical implications. It’s time now to engage in finding common ground.
— Miroslav Lajčák (@MiroslavLajcak) March 11, 2022
Në shtator të vitit të kaluar, Kosova dhe Serbia arritën një marrëveshje lidhur me çështjen e tabelave, pas tensioneve të shkaktuara në veri.
Nga ajo kohë, dy vendet me një pikë të përbashkët të marrëveshjes vendosën t’i mbulojnë simbolet shtetërore në targa deri në një zgjidhje përfundimtare./Demokracia.com/