Presidentja Vjosa Osmani, ashtu siç kishte raportuar ditë më parë Demokracia.com, sot ka udhëtuar deri SHBA-së, ku do të qëndrojë deri më 11 maj. Pas SHBA-së, Osmani do të shkojë për vizitë zyrtare edhe në Lituani, ku do të qëndrojë deri më 13 maj.

Për udhëtimin e sotëm të saj drejt Shteteve të Bashkuara, ka njoftuar tani edhe zyra e saj.

Presidentja Osmani dhe përfaqësues të shteteve të tjera pjesëmarrëse do të mblidhen në një konferencë për të diskutuar rreth situatës së sigurisë në Evropë, pas agresionit rus në Ukrainë dhe forcimin e partneritetit transatlantik.

Përgjatë konferencës, Osmani do të flasë në panelin për sigurinë energjetike dhe në disa evente të tjera.

Ky është njoftimi i Presidencës:

Presidentja Osmani ka udhëtuar për në Washington DC për të marrë pjesë në Takimin e Liderëve të konferencës së Mynihut

Në Shtetet e Bashkuara, Presidentja Osmani dhe përfaqësues të shteteve të tjera pjesëmarrës të Konferencës do të mblidhen për të diskutuar rreth situatës së sigurisë në Evropë pas agresionit rus në Ukrainë dhe forcimin e partneritetit transatlantik.

Përgjatë konferencës, Presidentja do të flasë në panelin për sigurinë energjetike si dhe në disa evente të tjera. Kjo konferencë do t’i bashkojë dhjetëra vendimmarrës dhe ekspertë të lartë nga të dy anët e Atlantikut për diskutuar se si partnerët transatlantikë mund të ndërtojnë një aleancë më të qëndrueshme dhe ta avancojnë bashkëveprimin dhe udhëheqjen e përbashkët në sfidat e sigurisë, duke përfshirë luftën aktuale në Ukrainë. /Demokracia.com/