Presidentja e Kosovës Vjosa Osmani i ka dërguar sot një telegram solidarizues homologut të saj turk Recep Tayyip Erdogan, pas shpërthimit të zjarreve shkatërruese ku për pasojë kanë vdekur të paktën tre persona.

Në një postim në Twitter, presidentja Osmani shkruan se Kosova po qëndron përkrah popullit turk në këto ditë vështira.

“Republika e Kosovës është në solidaritet të plotë me popullin e Turqisë, pasi vendi po përballet me disa nga zjarret më shkatërruese. Presidenti Recep Tayyip Erdogan ju lutem pranoni ngushëllimet e mia për jetët e humbura. Urojmë shërim të shpejtë për të plagosurit dhe lutemi për të gjithë të prekurit”, ka thënë Osmani.

The Republic of Kosova stands in full solidarity with the people of Turkey, as the country faces some of the most devastating wildfires.
President @RTErdogan, please accept my condolences for the lives lost. We wish a speedy recovery for the injured & pray for everyone affected.

— Vjosa Osmani (@VjosaOsmaniPRKS) July 30, 2021