Presidentja e Kosovës, Vjosa Osmani dhe kryeministri Albin Kurti, kanë ngushëlluar popullin turk pas shpërthimit në një minierë qymyri në provincën Bartin të Turqisë, ku humbën jetën 41 persona dhe u lënduan 11.
Osmani në llogarinë e saj në Twitter, shkroi se në këto kohë të vështirë Kosova qëndron me Turqinë dhe me familjarët e viktimave.
“Ngushëllimet tona më të thella shkojnë për familjet e viktimave të shpërthimit tragjik në minierën në Bartin. Mendimet tona janë me më të dashurit e tyre, të plagosurit dhe popullin e Turqisë në këtë kohë të vështirë”, tha ajo.
Our deepest condolences go out to the families of the victims of the tragic mine explosion in Bartin.
Our thoughts are with their loved ones, the injured and the people of Türkiye at this difficult time.
— Vjosa Osmani (@VjosaOsmaniPRKS) October 15, 2022
Ndërsa, Kurti tha se “mendimet dhe lutjet tona janë me ju”.
“Në emër të Qeverisë së Republikës së Kosovës, i shpreh ngushëllimet e mia të përzemërta Republikës së Turqisë dhe familjeve të minatorëve që humbën jetën në aksidentin tragjik të djeshëm në Amasra. Mendimet dhe lutjet tona janë me ju”, ka shkruar ai në Twitter.
On behalf of the Government of the Republic of Kosova, I offer my heartfelt condolences to the Republic of Türkiye and the families of the brave miners who lost their lives in yesterday's tragic accident in Amasra. Our thoughts and prayers are with you.
— Albin Kurti (@albinkurti) October 15, 2022
41 persona vdiqën pas një shpërthimi në një minierë qymyri në veri të Turqisë, tha presidenti Reccep Tayyip Erdogan.
Zbulimi i trupit të fundit të zhdukur i jep fund operacionit të shpëtimit, më shumë se 20 orë pas shpërthimit vdekjeprurës të së premtes.
