Olta Gixhari ka dhënë intervistën e saj të radhës pas daljes nga Big Brother VIP Albania.

Ajo ka qenë së fundmi e ftuar në “Wake Up”, ku ka folur për lojën brenda, situatat me Luizin e për shumë gjëra të tjera.

Aktorja shqiptare u pyet edhe për propozimin që artisti shkodran ia bëri Kiarës në spektaklin e së shtunës.

Bukuroshja filloi të qeshte duke shtuar se e ka thënë brenda që nuk kanë kimi me njëri-tjetrin dhe se nuk do të iu zgjasë.

“Shiko, unë e kam thënë aty brenda që ata dy nuk kanë kimi me njëri-tjetrin dhe nuk do të jenë edhe shumë gjatë. Vazhdoj të kem të njëjtin mendim. Aty e kam zbukuruar duke e thënë në këtë formë se nuk kam dashur ta godas as njërin as tjetrin në këtë pikë, se nuk kam dashur”, u shpreh ajo.

“Në atë shtëpi unë kam kursyer shumë njerëz, veçanërisht Luizin, mbase edhe kjo është arsyeja që ai flet shumë mirë brenda asaj shtëpie për mua”, shtoi Gixhari.

Olta mes tjerash për momentin e propozimit theksoi: “Kjo skena nuk më bëri shumë përshtypje përveç se fishekzjarrët ishin shumë të bukura, nuk u emocionova sepse Luizi e ka thënë për muaj të tërë, nuk është diçka që erdhi nga hiçi. Unë të shoh nënën e fëmijëve të mi, unë dua të martohem me ty, ti je gruaja jetës time, ti më ke ndryshuar jetën. E kishte në plan”.