COVID-19KosovaSot:331Të gjitha:284,013|Bota 589,655,224
Lajme
OBSH: Më shumë se 5000 të infektuar me linë e majmunëve në botë
Demokracia
15:23 | 05 Korrik 2022

Share:

Deri më tani janë regjistruar 5 mijë e 322 raste me linë e majmunëve, sipas Organizatës Botërore të Shëndetësisë. Ky numër është rritur me më shumë se 50% që nga raporti i mëparshëm i 22 qershorit dhe deri më tani është regjistruar vetëm një viktimë.

“OBSH vazhdon t’u kërkojë vendeve t’i kushtojnë vëmendje të veçantë shpërthimeve të lisë së majmunëve në një përpjekje për të reduktuar infeksionet,” tha Fadela Saib në një konferencë për shtyp në Gjenevë.

OBSH tha javën e kaluar se shpërthimi aktual i lisë së majmunëve, megjithëse shumë shqetësues, nuk përbën një emergjencë shëndetësore. Numri i rasteve është rritur ndjeshëm ditët e fundit: ky raport i fundit i 30 qershorit tregon një rritje prej 55,9% në krahasim me shifrat e mëparshme.

Evropa mbetet deri tani rajoni më i goditur nga virusi me 85% të rasteve, ndërsa 53 vende në botë janë prekur deri më tani. Një rritje e pazakontë e rasteve të lisë së majmunëve është zbuluar që nga maji jashtë vendeve në Afrikën qendrore dhe perëndimore ku virusi qarkullon zakonisht.

Të ngjashme