Është duke vazhduar numërimi i votave me kusht dhe i personave me nevoja të veçanta.
Në Qendrën e Numërimit dhe Rezultateve (QNR), është duke vazhduar numërimi i votave me kusht dhe i personave me nevoja të veçanta.
Sipas të dhënave zyrtare nga Komisioni Qendror i Zgjedhjeve (KQZ), deri në ora 15:00 janë numëruar 13 mijë e 570 vota, raporton Demokracia.com.
Në bazë të rezultateve të deritanishme, Lëvizja Vetëvendosje ka arritur që të sigurojë më së shumti vota.
Sipas KQZ-së, Lëvizja Vetëvendosje (LVV), deri më tani ka siguruar 6 mijë e 747 vota, Partia Demokratike e Kosovës (PDK), 2 mijë e 372 vota, Lidhja Demokratike e Kosovës (LDK), 1 mijë e 473 vota dhe Aleanca për Ardhmërinë e Kosovës (AAK), 1 mijë e 301 vota, raporton më tutje Demokracia.com.
Pjesa tjetër e votave është shpërndarë në subjektet e tjera politike.
Në lidhje me procesin e numërimit të votave me kusht dhe personave me nevoja të veçanta, më vonë gjatë ditës pritet edhe një konferencë nga zëdhënësi i KQZ-së, Valmir Elezi.
Theksojmë se numërimi i votave me kusht dhe i personave me nevoja të veçanta ka filluar të dielën pas orës 22:00.
Sipas të dhënave të KQZ-së, numri më i madh i fletëvotimeve me kusht, pra me numër katërshifror, u takojnë komunave: Prishtinë 7 520; Prizren 2 953; Fushë Kosovë 1 562; Suharekë 1 538; Mitrovicë e Jugut 1 528 dhe Gjakovë 1 521.
Më poshtë ju sjellim tabelën me votat e numëruara deri në ora 15:00. /Demokracia.com/