Në Qendrën e Numërimit dhe Rezultateve po vazhdon numërimi i votave me postë apo votave nga diaspora.

Në Qendrën e Numërimit dhe Rezultateve është duke vazhduar numërimi i votave me postë apo votave nga diaspora dhe deri më deri më tani janë numëruar 25 mijë e 798 vota nga rreth 56 mijë e 910 vota të aprovuara nga diaspora.

Sipas të dhënave nga QNR (tabela e përditësuar rreth orës 23:00) rezultatet deri më tani janë si më poshtë:

LVV – 19 mijë e 626 vota

LDK – 2 mijë e 173 vota

PDK – 2 mijë e 120 vota

AAK – 855 vota

NISMA – 200 vota

Theksojmë se, në Qendrën e Numërimit dhe Rezultateve mbrëmë ka përfunduar numërimi i votave me kusht dhe atyre të personave me nevoja të veçanta.

Pas numërimit të 29 mijë e 490 votave, Lëvizja Vetëvendosje ka dalë e para me 14 mijë e 939 vota.

E dyta është Partia Demokratike e Kosovës me 4,997 vota.