Komiteti i apelit i Federatës Spanjolle të Futbollit ka hedhur poshtë ankesën e Real Madridit kundër pezullimit prej gjashtë ndeshjesh të Antonio Rudiger.

Lojtari i kombëtares gjermane u tërbua në finalen e Kupës së Mbretit më 26 prill nga gjyqtari Ricardo de Burgos Bengoetxea

Rudiger ishte aq i tërbuar sa pesë anëtarë të stafit të klubit u detyruan ta mbanin nën kontroll për ta penguar të sulmonte fizikisht gjyqtarin.

Kur kjo dështoi, ai i hodhi një copë akulli gjyqtarit. Më pas ai mori një karton të kuq dhe si pasojë një pezullim prej gjashtë ndeshjesh.

Një ditë pas incidentit, mbrojtësi gjerman shkroi në X dhe i dërgoi një falje publike gjyqtarit, duke shprehur keqardhje për sjelljen e tij: “Nuk ka absolutisht asnjë justifikim për sjelljen time. Më vjen sinqerisht keq për këtë”.

Sjellja e tij është një përshkallëzim i pakënaqësisë me sezonin pa trofe të Realit. Ekipi i Carlo Ancelottit mbeti pas Barcelonës në kampionat, katalanasit i mposhtën ata edhe në Kupën e Mbretit të lartpërmendur dhe u eliminuan nga Liga e Kampionëve në çerekfinale nga Arsenali.