Krahu i inteligjencës ushtarake të Ukrainës ka lëshuar një deklaratë për rrëzimin e aeroplanit në Rusi.

“Aktualisht, ne nuk kemi informacione të besueshme dhe gjithëpërfshirës se kush ishte saktësisht në bordin e aeroplanit dhe sa persona ishin në të”, tha ai.

Inteligjenca konfirmoi se një shkëmbim i të burgosurve do të bëhej sot, por tha se ishte anuluar pavarësisht se Ukraina mbajti premtimin e saj, raporton skynews.

“Nga ana e saj, Ukraina ka përmbushur të gjitha marrëveshjet për përgatitjen e shkëmbimit”, shtoi ai.

Rusët që do të liroheshin u dërguan në kohë në pikën e caktuar të shkëmbimit, ku u mbajtën të sigurt.

Agjencia tha se “nuk ishte informuar” se duhet siguruar rruga ajrore rreth rajonit të Belgorodit – ku aeroplani u rrëzua.

“Pala ukrainase nuk ishte e informuar se duhej garantuar siguria e hapësirës ajrore në zonën e qytetit të Belgorodit në një periudhë të caktuar kohore, siç është bërë në mënyrë të përsëritur në të kaluarën”, thuhet në njoftim.

“Zbarkimi i një aeroplani transportues në një zonë lufte 30 kilometërshe nuk mund të jetë i sigurt dhe duhet të diskutohet nga të dyja palët në çdo rast, sepse përndryshe vë në rrezik të gjithë procesin e shkëmbimit”, shtoi ai.

Deklarata përfundonte duke sugjeruar se “mund të flasim për veprime të planifikuara dhe të qëllimshme të Federatës Ruse me qëllim të destabilizimit të situatës në Ukrainë”. Ai nuk ofroi asnjë shpjegim se përse u rrëzua aeroplani.