COVID-19KosovaSot:331Të gjitha:284,013|Bota 589,655,224
Kuriozitete
Nuk e pranonte ndarjen nga e dashura, 34-vjeçari i shkatërron shtëpinë, fëmijët e saj ishin brenda
Demokracia
17:17 | 03 Korrik 2022

Share:

Derek Wellington 34 vjeç hyri mbrapsht dy herë në shtëpinë në East Kilbride, South Lanarkshire, duke bërë që banorët e 7 shtëpive të evakuoheshin dhe dy banesa të shkatërroheshin.

Një shofer kamioni ka pranuar se ka përplasur qëllimisht HGV-në e tij  në shtëpinë e të dashurës, ndërsa dy fëmijët ishin brenda.

Derek Wellington 34 vjeç hyri mbrapsht dy herë në shtëpinë në East Kilbride, South Lanarkshire, duke bërë që banorët e 7 shtëpive të evakuoheshin dhe dy banesa të shkatërroheshin. Fatura për dëmin arriti në 475,000 £. Wellington u deklarua fajtor për një sërë akuzash, duke përfshirë sjelljen e qëllimshme dhe të pamatur që rrezikoi jetën e disa personave.

34-vjeçari ishte liruar me kusht në atë kohë pas një incidenti të mëparshëm ku ai sulmoi të dashurën Sara Cassidy në një hotel në Edinburg, shkruan BBC.

Atij iu tha të qëndronte larg 33-vjeçares pasi e goditi me kokë, e tërhoqi zvarrë dhe e përplasi pas një muri.

Por, pavarësisht urdhrit të gjykatës, çifti rifilloi kontaktin dhe ai e telefonoi vazhdimisht në ditën e incidentit me kamion. Gjykata e Lartë në Glasgoë dëgjoi se Wellington ishte zemëruar pasi zonja Cassidy nuk kishte pranuar ta takonte.Ai i kishte bërtitur asaj në telefon: “Unë do të parkoj kamionin tim në dhomën tuaj të ndenjes”.

Më vonë ajo doli në rrugë pranë shtëpisë së saj në Lancaster Crescent, kur pa partnerin e saj duke tentuar të hynte në shtëpi me kamion. Prokurorja Lisa Gillespie QC i tha gjykatës: “Ajo i tha atij që mos hynte në shtëpi sepse kishte fëmijë atje.”

“Pavarësisht kësaj ai deklaroi se do hynte me çdo mënyrë.”

Ndërkohë nga përplasja janë dëmtuar edhe shtëpitë e disa banorëve të tjerë të cilët u detyruan të evakuuoheshin. Wellington u deklarua fajtor për sulmin ndaj shtëpisë së zonjës Cassidy në Edinburgh, shkeljen e garancisë, sjelljen kërcënuese dhe kundërshtinë ndaj një oficeri policie.

Atij i është caktuar masa e paraburgimit dhe do të dënohet muajin e ardhshëm. /Abcnews

Të ngjashme