OKB-ja tani po e quan atë një luftë tjetër brenda luftës së Rusisë në Ukrainë.

Në vendin e përshkruar dikur si shporta ushqimore e botës, luftimet tani po i ndalojnë furnizimet me ushqim për Ukrainën – dhe botën.

“Një vend që përfaqësonte më shumë se 10% të eksporteve botërore të drithërave tani po eksporton një sasi të vogël”, ka paralajmëruar Matthew Hollingworth, koordinatori i ri i urgjencës i Programit Botëror të Ushqimit në Ukrainë.

Çmimet e ushqimeve janë rritur në mbarë botën, duke përfshirë vende si Afganistani dhe Jemeni, ku miliona njerëz ishin në prag të urisë edhe para se Rusia të pushtonte Ukrainën në shkurt.

Sulmet ruse përgjatë bregut të Detit të Zi, duke përfshirë portin kryesor të Ukrainës në Odesa, po mbysin flukset tregtare brenda dhe jashtë vendit, transmeton Klankosova.tv

Duke folur për BBC, Hollingworth paralajmëron “gjithmonë besoni se nuk mund të bëhet më keq. Fatkeqësisht, ne e dimë se gjithmonë mund të përkeqësohet”.