Cristiano Ronaldo sot i ka dhënë me tre golat e tij suksesin Manchester Unitedit ndaj Totenhemit në fitoren 3:2, por njëkohësisht ka shkruar edhe emrin e tij në historinë e futbollit botëror me germa të arta.
Portugezi, i ka shtuar një tjetër rekord listës së tij sot, pasi ka arritur kuotën e 807 golave në futbollin profesionist. Një shifër që e bën atë zyrtarisht sipas FIFA-s, golashënuesin më të mirë në historinë e e futbollit.
Çeku Josef Bichan mbante rekordin e mëparshëm me 805 gola dhe Ronaldo e barazoi që me golin e tij të parë të shënuar sot. Pastaj, dy golat e tjerë i dhanë mundësinë atij që të përmirësonte dhe të vendoste rekordin e ri botëror.
Edhe pse Federata Çeke e Futbollit pretendon se Bichan është ndalur në kuotën e 821 golave, FIFA njihte shifrën 805 e kështu, zyrtarisht nga sot është Ronaldo mbajtësi i ri i rekordit botëror. /Demokracia.com