Një tjetër varkë është parë ‘duke lundruar në ajër’ në brigjet e Britanisë në një iluzion të çuditshëm optik, i cili e bën atë të duket sikur anija po rri pezull mbi ujë.

Pamja e pazakontë është parë në të gjithë Mbretërinë e Bashkuar, me pamje në Cornwall, Devon dhe Aberdeenshire për vetëm disa ditë, transmeton Demokracia.com

Herën e fundit u pa nga Ryan Rushforth në brigjet e Bournemouth, Dorset, dje në mbrëmje.

Fenomeni lundrues njihet si Fata Morgana i cili krijohet kur dielli ngroh atmosferën mbi tokë ose det.

Ajri i ngrohtë bie mbi ajrin e ftohtë i cili më pas bën që drita nga anija të përkulet.

Anija e lundrimit “The Anthem of the Seas”, një anije Royal Karaibe prej 168,000 ton, dukej sikur po kalonte mbi ujë.

Anija 347 metra ka një kapacitet prej 4,180 dhe u vu re pranë Pier Bournemouth.

Rushforth, fotografi shkroi në postimin e tij: ‘A po më duket mua, apo po lundron në ajër kjo varkë? Ishte me të vërtetë, me të vërtetë e mahnitshme ta shohësh atë imazh, dukej e pabesueshme ‘.

Çka është Fata Morgana

Një Fata Morgana është një lloj mirazhi që shtrembërojnë objektet në distancë dhe mund të shihet në tokë ose në det.

Shkaktohet kur dielli ngroh atmosferën mbi tokë ose oqeane, gjë që krijon një gradient të temperaturave.

Ajri afër sipërfaqes është relativisht i freskët dhe mbi të gjenden shtresat e ajrit më të ngrohtë.

Kur drita godet një kufi midis dy shtresave të atmosferës që janë me temperatura të ndryshme dhe si rezultat dendësi të ndryshme, ajo përkulet dhe udhëton në një kënd tjetër.

Truri ynë supozon se drita udhëton në shtigje të drejta, kështu që kur përkulet, ne mendojmë se objekti është vendi ku do të ishte nëse rruga e dritës shkon drejt./Demokracia.com