Që nga momenti kur u njoftua se aktori Johnny Depp fitoi gjyqin për shpifje kundër ish-gruas së tij, Amber Heard, janë ngritur shumë pikëpyetje mbi mënyrën se si fitoi.

Fitorja e Johnny Depp në gjyqin në Virxhinia i është besuar disa momenteve të çështjes sipas profesionistëve ligjorë.

Megjithatë, ekspertët besojnë se ishte pikërisht dëshmia e Kate Moss që i vuri pikat mbi i në tërë çështjen.

Gjatë dëshmisë në gjyq, Heard ka dëshmuar se ajo shpesh ka menduar për Kate Moss, veçanërisht për shkak të thashethemeve se Depp e kishte hedhur atë nga shkallët, ndërsa ata ishin me pushime në Xhamajka.

Moss, i cili ishte në një lidhje me Depp midis 1994 dhe 1998, u thirr nga ekipi i aktorit në javën e fundit të gjyqit për të hedhur poshtë thashethemet.

Në dëshminë e saj të shkurtër, ajo mohoi që Depp e ka hedhur atë nga shkallët, ndërsa ka theksuar se ka rrëshqitur nga shkallët pasi ishte kohë me shi.

Pas dëshmisë së Moss, disa ekspertë ligjorë e kanë deklaruar atë si “gozhda në arkivol” për rastin e Heard.

Shumë avokatë e kanë theksuar se Heard e pati humbur gjyqin që kur ka përmendur Kate Moss.

Çështja përfundoi më 1 qershor me anëtarët e jurisë që i dhanë Depp-it, i cili mohoi se kishte abuzuar me Heard, 15 milionë dollarë dëmshpërblim.

Heard fitoi një nga tre kundërpaditë e saj kundër Depp dhe iu dha 2 milionë dollarë si dëmshpërblim.