Pasi Salernitana shkarkoi trajnerin Davide Nicola dhe e zëvendësoi atë me Paulo Sousa, një tjetër ekip i Serie A ka vendosur të ulë në pankinë një teknik të ri.
Siç është bërë zyrtare, Spezia ka mbyllur bashkëpunimin me trajnerin Luca Gotti.
Deklarata e klubit u bë publike në faqen zyrtare në rrjetet sociale.
Spezia ka fituar vetëm një nga shtatë ndeshjet e saj të fundit në Serie A dhe pas barazimit 2-2 ndaj Empolit, ata janë në vendin e katërt nga fundi, vetëm dy pikë larg zonës së rënies.
Luca Gotti është shkarkuar për të dytin sezon radhazi pasi vitin e kaluar u largua nga Udinese.
Ndeshja e radhës e Spezias do të jetë të dielën në shtëpi kundër Juventusit./Demokracia.com/
📄 Comunicato ufficiale del 15 febbraio 2023
➡️ https://t.co/QGLF75aQdE pic.twitter.com/h1t0b8V0xX
— Spezia Calcio (@acspezia) February 15, 2023