Një burrë nga Nju Jorku që jeton në Meksikë është me fat që është gjallë pasi disa burra e rrëmbyen atë dhe e mbajtën rob – duke kërkuar një shpërblim prej 200,000 dollarësh.

Sipas mediave të huaja, përcjell Telegrafi, rrëmbyesit i mbyllën sytë Joseph Constantine Buonincontri-t dhe e lidhën me kyçet e duarve dhe kyçet e këmbëve dhe e lanë thellë në një xhungël në Limones, Meksikë, një zonë e largët rreth 200 milje në jugperëndim të Kankunit.

Siç thuhet më tej, 35-vjeçari njujorkez ishte gjallë, por i lidhur në një kasolle, sipas Zyrës së Prokurorit të Përgjithshëm të Quintana Roo.

Rrëmbyesit nuk janë identifikuar apo kapur që kur Buonincontri u gjet më 4 shkurt dhe ishte i palënduar, sipas mediave lokale të lajmeve meksikane dhe zyrës së prokurorit.

Gjatë bisedës, Buonincontri thuhet se u tha ushtarëve se ishte nga Nju Jorku dhe po vizitonte një anëtar të familjes në Limones.