COVID-19KosovaSot:0Të gjitha:272,214|Bota 650,702,814
Lajme
Nis viti i ri akademik në UP, kujtohen demonstratat e studentëve
Demokracia
10:42 | 01 Tetor 2022

Share:

Në Universitetin e Prishtinës “Hasan Prishtina” më 3 tetor do të nis viti i ri akademik 2022-2023.

Në njoftim thuhet se mbi 4 mijë e 100 studentë të rinj i janë bashkuar UP-së këtë vit, në dhjetëra programe studimore, të ofruara në 14 njësi akademike.

UP-ja nëpërmjet një kumtese për media ka bërë të ditur se mbi 45 për qind e studentëve të pranuar në UP në vitin e parë të studimeve themelore kanë notën mesatare 5.0 gjatë shkollës së mesme.

Mes tjerash, UP-ja me nisjen e vitit të ri akademik ka kujtuar edhe protestat studentore që sot shënojnë 25 vjetorin duke i konsideruar si kthesën më të madhe historike për Kosovën.

“Tetori, përveç që shënon fillimin e vitit të ri akademik në vendin tonë, është edhe pjesë e pashlyeshme e historisë, falë ngjarjeve të vitit 1997, kur më 1 tetor të atij viti, UP-ja u shfaq në skenë si aktori kryesor në kthesën më të madhe historike për Kosovën. Sikurse para një çerek shekulli, ashtu edhe sot, UP-ja është orientuese dhe baza kryesore e përgatitjes së intelektualëve të vendit tonë. E thëna e para 25 vjetëve e rektorit Ejup Statovci se “Universiteti është me studentët dhe studentët janë të universitetit” vazhdon të jetë udhëzuese e ideologjisë së UP-së” thuhet në kumtesë.

Aktualisht në UP janë në proces edhe konkursi për pranimin e studentëve në studimet master dhe në ato të doktoratës.

Të ngjashme