Gazeta New York Times fitoi katër Çmime Pulitzer dhe New Yorker tre për gazetari në vitin 2024 mbi tema si kriza e fentanilit, ushtria amerikane dhe përpjekja për vrasjen e Presidentit Donald Trump verën e kaluar.
Gazeta New York Times fitoi katër Çmime Pulitzer dhe New Yorker tre për gazetari në vitin 2024 mbi tema si kriza e fentanilit, ushtria amerikane dhe përpjekja për vrasjen e Presidentit Donald Trump verën e kaluar.
Medalja prestigjioze e shërbimit publik Pulitzer shkoi në ProPublica për të dytin vit radhazi.
Kavitha Surana, Lizzie Presser, Cassandra Jaramillo dhe Stacy Kranitz u nderuan për raportimin mbi gratë shtatzëna që ndërruan jetë pasi mjekët vonuan kujdesin urgjent në shtetet me ligje të rrepta për abortin.
The Washington Post fitoi për mbulimin “urgjent” të lajmeve të fundit të përpjekjes për vrasjen e Trump.
Me Pultizer u nderua Ann Telnaes, e cila dha dorëheqjen nga Post në janar pasi media refuzoi të publikonte karikaturën e saj editoriale duke tallur shefat e teknologjisë – përfshirë pronarin e Post, Jeff Bezos – duke u afruar me Trump.
Çmimet Pulitzer nderuan më të mirët në gazetari nga viti 2024 në 15 kategori, së bashku me tetë kategori arti, duke përfshirë libra, muzikë dhe teatër.
Fituesi merr një medalje ari. Të gjithë fituesit e tjerë marrin nga 15 mijë dollarë.
Azam Ahmed dhe Christina Goldbaum të The Times dhe shkrimtari kontribues Matthieu Aikins fituan një çmim për raportim shpjegues për shqyrtimin e dështimeve të politikave të SHBA-ve në Afganistan.
Doug Mills fitoi në kategorinë e fotografisë së lajmeve të fundit për imazhet e tij të tentativës së vrasjes.
Declan Walsh dhe stafi i Times fituan për një hetim mbi konfliktin e Sudanit. Alissa Zhu, Nick Thieme dhe Jessica Gallagher fituan në kategorinë e raportimit lokal, një çmim i ndarë nga Times dhe The Baltimore Banner, për raportimin mbi krizën e fentanilit në atë qytet.
Mosab Abu Toha i gazetës New Yorker fitoi për komentet e tij mbi Gazën.
Revista fitoi gjithashtu për podcast-in e saj “In the Dark” rreth vrasjes së civilëve irakianë nga ushtria amerikane dhe për fotografinë kryesore për fotografitë e Moises Saman të burgut Sednaya në Siri.
