Rreth 600 protestues pro-rusë në një autokolonë me 350 vetura u nisën në një demonstratë në Hanover në veri të Gjermanisë.

Një kundër demonstratë e rreth 700 njerëzve që mbështesin Ukrainën në qendër të qytetit u zhvillua gjithashtu, tha policia lokale.

Sipas Reuters, autokolona me flamuj rusë dhe gjermanë po proteston kundër diskriminimit në Gjermani ndaj qytetarëve rusë pas pushtimit në Ukrainë, raporton The Guardian.

Njerëzit gjithashtu u mblodhën për të treguar mbështetjen e tyre për Rusinë në një demonstratë në Frankfurt.

Protestuesit marshuan nën moton “kundër karremit dhe diskriminimit të bashkëqytetarëve rusishtfolës/kundër luftës”.

Gjermania ka një pakicë të konsiderueshme ruse që u rrit ndjeshëm përmes emigracionit në fund të Bashkimit Sovjetik në vitin 1989.

Rreth 235 mijë qytetarë rusë jetojnë në vend, sipas statistikave të qeverisë nga fundi i vitit 2020. Rreth 135 mijë ukrainas jetonin në Gjermani përpara pushtimit të Rusisë, bazuar në statistikat, por 300 mijë të tjerë kanë ardhur si refugjatë që atëherë. /Telegrafi