“Ne do t’i sjellim ata në shtëpi”. Kështu tha ambasadori i sapoemëruar i SHBA-së në Izrael, Mike Huckabee, pasi mbërriti në Western Wall.

Huckabee vuri në dukje gjithashtu mbështetjen e Trump për Izraelin, si përmes njohjes së Jeruzalemit si kryeqytet i Izraelit dhe Lartësitë Golan.

Është lutja e presidentit amerikan Donald Trump që të gjithë pengjet e mbajtura në robërinë e Gazës të kthehen në shtëpi tani, tha ambasadori i sapoemëruar i SHBA në Izrael, Mike Huckabee, duke iu bashkuar asaj lutjeje, gjatë një fjalimi në Murin Perëndimor në Jerusalem të premten, raporton The Jersulam Post.

“Dhe ne do t’i sjellim në shtëpi,” shtoi i dërguari.

Ai përshkroi hapat e Trump për “Të tregojë dashuri të jashtëzakonshme për popullin hebre dhe popullin e Izraelit”, të tilla si njohja e Jeruzalemit si kryeqyteti i shtetit hebre dhe njohja e Lartësive Golan.

Ai vuri në dukje nderin e tij që mundi të marrë pjesë në Murin Perëndimor në fundjavën e fundit të festës së Pashkës, duke ofruar “urimet më të mira” në emër të popullit amerikan për festën, por edhe “për përjetësinë”.

‘Lutja për paqen e Jerusalaimit’

“Unë vij gjithashtu t’i bashkohem presidentit në lutje për paqen e Jerusalaimit,” përfundoi ai.

Para se të fliste, Huckabee vendosi një shënim në Murin Perëndimor dhe ofroi një bekim për Izraelin në emër të administratës Trump, duke bërë thirrje për paqe dhe prosperitet.

Sipas Ynet , në një konferencë të veçantë për shtyp, Huckabee iu drejtua përpjekjeve bërthamore të Iranit, duke vënë në dukje se Republika Islamike nuk do të zotëronte kurrë armë bërthamore dhe se vendi përbënte një kërcënim jo vetëm për Izraelin, por edhe për SHBA-në.

Senati amerikan konfirmoi Huckabee si ambasador të vendit në Izrael javën e kaluar.