Shtëpia më e madhe e futbollit në Europë, UEFA është duke mbajtur kongresin e 49-të në qytetin e Beogradit.

Presidenti i UEFA-s, Aleksandr Ceferin dhe 55 anëtarët e shtëpisë së futbollit mbajtën një minut heshtje për njerëzit e sportit që nuk janë më pjesë e kësaj bote.

Në këtë mes ishin edhe sportistët nga Kosova, duke përfshi këtu edhe ish-lojtarin e Vushtrrisë, Erjon Morina dhe gjyqtarin, Rilind Berisha, transmeton indeksonline.

Po ashtu edhe emra të njohur të futbollit nga Shqipëria.

Në këtë kongres është shfaqur edhe flamuri i Kosovës, që për herë të parë bën pjesë në Beograd.