Terry Hall, këngëtari kryesor i “The Specials” dhe ish-anëtar i grupeve “Fun Boy Three” dhe “Colourfield”, ka vdekur në moshën 63 vjeçare – kanë konfirmuar shokët e tij të grupit.

“Me pikëllim të madh njoftojmë vdekjen – pas një sëmundjeje të shkurtër – të Terryt, mikut, vëllait tonë të mrekullueshëm dhe një prej këngëtarëve dhe kantautorëve më të shkëlqyer që ka prodhuar ndonjëherë ky vend”, njoftoi grupi në Twitter.

It is with great sadness that we announce the passing, following a brief illness, of Terry, our beautiful friend, brother and one of the most brilliant singers, songwriters and lyricists this country has ever produced. (1/4) pic.twitter.com/qJHsI1oTwp

— The Specials (@thespecials) December 19, 2022

Hall u bë një nga zërat kryesorë të muzikës pop të viteve të tetëdhjeta. Së bashku me grupin “The Specials”, ai publikoi këngën e tij debutuese “Gangsters” në 1979, e cila arriti në vendin e gjashtë në top-listat në Mbretërinë e Bashkuar.

Ata dominuan Top 10 për dy vitet e ardhshme, duke arritur kulmin me këngën e tyre të dytë “Ghost Town” në vitin 1981. Teksti i kësaj kënge fliste për prishjen urbane britanike, papunësinë dhe rininë e padrejtë.

Hall më vonë formoi një grup tjetër, “Colourfield”, në vitin 1984, i cili pati hitin “Thinking of You”. Ai u bë një bashkëpunëtor i shpeshtë gjatë dekadave në vijim, duke punuar me Ian Broudie të “Lightning Seeds”, aktoren amerikane Blair Booth, “Toots and the Maytals”, Lily Allen, Damon Albarn e “Blur” dhe muzikantë të tjerë të famshëm.

https://www.youtube.com/watch?v=Ui9k_kcCRl8

“Terry ishte një bashkëshort dhe baba i mrekullueshëm dhe një nga shpirtrat më të sjellshëm, më qesharakë dhe më të sinqertë. Muzika dhe performancat e tij përmblidhnin vet thelbin e jetës… gëzimin, dhimbjen, humorin, luftën për drejtësi, por mbi të gjitha. për dashuri”, tha gruaja e tij, regjisorja Lindy Heymann, me të cilën kishte një djalë, ndërsa muzikanti kishte edhe dy djem tjerë nga një martesë e mëparshme.