Disidenti rus Alexei Navalny, Organizata Botërore e Shëndetësisë dhe aktivistja e klimës Greta Thunberg janë të nominuar për Çmimin Nobel të Paqes për vitin 2021.

Mijëra njerëz, nga anëtarët e parlamenteve në të gjithë botën tek ish-fituesit, kanë të drejtë të propozojnë kandidatë. Nominimet, të cilat mbyllen të dielën, nuk nënkuptojnë një miratim nga komiteti Nobel.

Ligjvënësit norvegjezë kanë nominuar laureatin përfundimtar çdo vit që nga viti 2014, me përjashtim të vitit 2019.

Sipas një sondazhi të Reuters për ligjvënësit norvegjezë, të nominuarit përfshijnë Thunberg, Navalny, OBSH dhe programin e tij COVAX për të siguruar qasje të drejtë në vaksinat COVID-19 për vendet e varfra, transmeton Demokracia.com

Thunberg u emërua si një nga “zëdhënësit kryesorë në luftën kundër krizës së klimës”, me grupin e fushatës që ajo bashkë-themeloi, Fridays for Future.

Navalny, i emëruar nga akademikë rusë, u emërua për “përpjekjet e tij për një demokratizim paqësor të Rusisë” nga ish-ministri norvegjez Ola Elvestuen.

Nominimet të tjera janë: Komiteti për Mbrojtjen e Gazetarëve me qendër në SHBA ish-gazetari i Charlie Hebdo, Zineb el Rhazoui; webfaqja e lajmeve Hong Kong Free Press, Rrjeti Ndërkombëtar i Kontrollit të Fakteve me bazë në SHBA dhe Reporterët pa Kufij me bazë në Paris (RSF).

Të nominuarit e tjerë përfshijnë ish Presidentin e SHBA-së, Donald Trump, NATO dhe agjencinë e Kombeve të Bashkuara për refugjatët (UNHCR).

Laureati i vitit 2021 do të shpallet në tetor./Demokracia.com