Shëndeti i kritikut të burgosur të Kremlinit Alexei Navalny po përkeqësohet dhe ai ka filluar të humbasë ndjesinë në këmbë dhe duar, thotë avokati i tij.

Vadim Kobzev tha se Navalny, i cili është dërguar në një koloni penale për dy vjet e gjysmë, ishte diagnostikuar me dy hernie kurrizore, transmeton Demokracia.com

Javën e kaluar, Navalny filloi një grevë urie për të kërkuar trajtimin e duhur për dhimbjet akute të shpinës dhe këmbëve.

Shtëpia e Bardhë tha se raportet se shëndeti i tij po përkeqësohej ishin shqetësuese.

Kobzev, i cili vizitoi Navalny të mërkurën, tha në Twitter (në rusisht): “Aleksei po ecën vetë. Ai ndjen dhimbje gjatë ecjes. Është shumë shqetësuese që sëmundja po përparon qartë sa i përket humbjes së ndjeshmërisë në këmbët, pëllëmbët dhe kyçet e dorës “.

Në fillim të kësaj jave, Navalny, 44, u zhvendos në një pavion të të sëmurve në burgun e qytetit Pokrov me simptoma të një sëmundjeje të frymëmarrjes. Ai ishte ankuar për një kollë dhe temperaturë të vazhdueshme./Demokracia.com