NATO ka kritikuar Rusinë për retorikën e saj bërthamore “të rrezikshme dhe të papërgjegjshme” lidhur me vendosjen e mundshme të armëve bërthamore në Bjellorusi.

“NATO është vigjilente dhe ne po e monitorojmë nga afër situatën. Ne nuk kemi parë ndonjë ndryshim në qëndrimin bërthamor të Rusisë që do të na bënte të rregullonim tonën”, tha një zëdhënës i NATO-s.

“Aleatët e NATO-s veprojnë me respekt të plotë të angazhimeve të tyre ndërkombëtare. Rusia ka thyer vazhdimisht angazhimet e saj për kontrollin e armëve, së fundmi duke pezulluar pjesëmarrjen e saj në Traktatin e Ri START”.