Futbollisti Hamdi Namani ka arritur shifrën e 100 ndeshjeve zyrtare me skuadrën e Dritës.
Namani që nga transferimi te Drita është paraqitur në 90 ndeshje kampionale, gjashtë në Kupën e Kosovës, një në Superkupë dhe në tre ndeshje ndërkombëtare në Evropë, njofton klubi “bardhekaltër”, përcjell Demokracia.com.
Në total, mesfushori Namani ka kontribuar me 7 mijë e 101 minuta lojë, nga ku ka shënuar 15 gola.
Klubi gjilanas e ka falënderuar atë, ndërsa i ka uruar suksese gjatë vazhdimit.
Hamdi Namani u transferua te Drita nga Llapi në korrik të vitit 2019./Demokracia.com/