Gjiganti i teknologjisë Apple, ka krijuar projektin e listave të dëgjimit “Saylists” në bashkëpunim me Warner Music për të ndihmuar njerëzit me çrregullime të zërit dhe të folurit (SSD).

Duke përdorur këngë nga artistë si Dua Lipa dhe Lizzo, listat e dëgjimit janë në shënjestër të atyre që përpiqen të shqiptojnë tinguj të caktuar si “ch” ose “f” dhe atyre që belbëzojnë, transmeton Demokracia.com

“Të ndihmojmë njerëzit të shprehin vetveten është qëllimi kryesor i asaj që ne bëjmë dhe ne shpresojmë që duke krijuar një mjet terapeutik që është tërheqës dhe i arritshëm si Saylists, mund të ndihmojmë këdo që ka probleme me të folurit,” tha shefi ekzekutiv i Warner Music Tony Harlow.

Projekti bazohet në një algoritëm që analizon mbi 70 milion këngë në dyqanin Apple Music dhe zgjedh ato që përsërisin tingujt e vështirë më shpesh.

Ndër 173 pista të zgjedhura deri më tani janë pista disko e Dua Lipa “Don’t Start Now”, himni i fuqizimit të Lizzo “Good as Hell” dhe Fatboy Slim “Right Here, Right Now”.

Një studim i fëmijëve me zhvillim të vonuar të të folurit në Bavari, Gjermani, sugjeroi që ata të përfitonin nga terapia muzikore, duke raportuar “ndryshime të rëndësishme klinikisht”./Demokracia.com