Kryetari i LDK-së, Isa Mustafa, ka thënë se kërcënimi ndaj kryetares së KQZ-së, Valdete Daka, e cila po e zbaton aktgjykimin e Gjykatës Kushtetuese, është i padrejtë dhe i palejueshëm.

Mustafa përmes një shkrimi në rrjetin social Facebook, ka thënë se vet aktgjykimi është derivat i lëndës së inicuar nga VV, shkruan Demokracia.com

“As neve si LDK, s’na ka pëlqyar. Jo pse kufizon të drejtën e atyre që janë të dënuar për vepra penale të konkurrojnë për mandat ligjëvënësi, sepse nuk shkon edhe ligjëvënës edhe shkelës i ligjit, por për faktin se Gjykata e rrëzoi Parlamentin!? Pak si shumë në një demokraci Parlamentare.”, ka shkruar ai.

Postimi i plotë i Mustafës:

Të fajësohet Kryetarja e KQZ-së deri në kërcënim, se po e zbaton aktgjykimin e Gjykatës Kushtetuese është e padrejtë dhe e palejueshme.

Aktgjykimi i Gjykatës Kushtetuese për rastin Etem Arifi, në esencë është i quditshëm, sepse më shumë përngjan në shkrim të ri të normave kushtetuese, sesa në interpretim të normave ekzistuese, që do duhej të jetë fushëveprim i Gjykatës. Fundja vet aktgjykimi është derivat i lëndës së inicuar nga LVV.

As neve si LDK, s’na ka pëlqyar. Jo pse kufizon të drejtën e atyre që janë të dënuar për vepra penale të konkurrojnë për mandat ligjëvënësi, sepse nuk shkon edhe ligjëvënës edhe shkelës i ligjit, por për faktin se Gjykata e rrëzoi Parlamentin!? Pak si shumë në një demokraci Parlamentare.

Prandaj mos e atakoni zonjën Daka, sepse nuk keni të drejtë./Demokracia.com