Kreu i LDK-së, Isa Mustafa ka reaguar pas vizitës së liderit të LVV-së, Albin Kurti mbrëmë në Skënderaj, ku u pa nën mbrojtje të Njësisë Speciale.
Mustafa përmes një shkrimi në rrjetin social Facebook ka thënë nuk është e hijshme që 21 vjet pas luftës, të bëhen zgjedhje të rrethuar me polici e njësi special.
“Dhuna prodhon dhunë. Më së paku demokraci. Me protagonistët e dhunës dhe kërcënimeve, në hygjymin e tyre për pushtet, po rrëshqasim keq në hasmëritë e kohës së viteve të pasluftës. Kjo nuk na nevojitet. Çdo fitore e tillë eventuale, e kujdo qoftë, është humbje.”, ka thënë tutje Mustafa.
Zgjedhet janë shprehje e lirë e qytetarëve për parlamentin e tyre. Nuk na ka hije të mbajmë zgjedhje të rrethuar me…
Posted by Isa Mustafa on Tuesday, February 2, 2021
Postimi i plotë:
Zgjedhet janë shprehje e lirë e qytetarëve për parlamentin e tyre. Nuk na ka hije të mbajmë zgjedhje të rrethuar me polici, me njësi speciale… zgjedhe nën tytat e armëve, njëzatenjëvjet pas çlirimit!?
Zgjedhjet me dhunë nuk janë zgjidhje. Askush s’është i pari nëse duhet të barikadohet për t’u takuar me qytetarët dhe askush nuk e meriton të dal i pari, në qoftë se mendon se një komune apo një territor është pashallëk i tyre.
Dhuna prodhon dhunë. Më së paku demokraci. Me protagonistët e dhunës dhe kërcënimeve, në hygjymin e tyre për pushtet, po rrëshqasim keq në hasmëritë e kohës së viteve të pasluftës. Kjo nuk na nevojitet. Çdo fitore e tillë eventuale, e kujdo qoftë, është humbje.
Kosovës i nevojiten zgjedhje demokratike, jo popullizëm i shfrenuar!./Demokracia.com
LEXO edhe:
Qytetarët në Skenderaj i brohorasin Albin Kurtit ‘UÇK, UÇK…’ dhe ‘Thaçi, Thaçi…’