Deputetja e PDK-së, Ganimete Musliu ka drejtuar gjashtë pyetje publike për kryeministrin e Kosovës, Albin Kurti që kanë të bëjnë më Policinë e Kosovës.

Musliu ka pyetur pse nuk ka Drejtor të përgjithshme të Policisë, pse ka dështuar votimi i Projektligjit për Pensionet e Zyrtarëve Policor të Policisë së Kosovës dhe Punonjësve të Inspektoratit Policor të Kosovës si dhe pyetje të tjera.

Shkrimi i plotë i saj:

Albin Kurti vazhdon të jetë qesharak në çdo postim të tij.

Ai nuk hezitoj të marrë si meritë të tij punën profesionale e operacionale të Policisë së Kosovës.

Meritat e Albbin Kurtit në çështjet operacionale të Policisë së Kosovës janë zero.

Tani unë do ti parashtroj Albin Kurtit gjashtë pyetje publike që kanë të bëjnë me Policinë e Kosovës:

1. Pse nuk e emroni Drejtorin e Përgjithëshem të Policisë së Kosovës? ( janë bërë më shumë se katër muaj pa drejtor).

2. Pse katër mbledhje radhazi në Komisionin për Çështje të Sigurisë dhe Mbrojtjes ka dështuar votimi në parim i Projektligjit për Pensionet e Zyrtarëve Policor të Policisë së Kosovës dhe Punonjësve të Inspektoratit Policor të Kosovës me autorizime policore. ( me urdhër të Albin Kurtit,Deputetet e LVV anëtarë të këtij komisioni nuk kanë marrë pjesë në votim. Përjashtim bënë deputeti Fatmir Humolli nga LVV që ka votuar për.)

3. Pse Policia e Kosovës që tri vjet nuk ka blerë çizme për policët?

4. Pse që pesë vjet nuk janë blerë uniforma për Njësinë Speciale, e ata pjestarë kësaj njesie i keni mbajtur me nga tri javë ditë atje në very?A ta polic e kanë nga një uniformë, nëse i bëhet me lloç, lagen nga kushtet atmosferike apo gervishen duhet me e pastru atë dhe me përdorë të njëjtën.

5. Sa është numri i policëve që po e braktisin shërbimin në polici?

6. Sa policë të Policisë së Kosovës bëjnë punë sekondare për të mbajtur familjen?