Ministrja e Drejtësisë, Albulena Haxhiu, ka deklaruar se do të paraqes padi ndaj një qytetari për të cilin thotë se ka tentuar të tallet me fëmijë.
Ky reagim i Haxhiut erdhi pasi qytetari Korab Blakaj në mënyrë satirike ishte deklaruar lidhur me një rast të cilin ministrja e kishte publikuar në rrjetin social Facebook.
“Personat e tillë që tentojnë të tallen me fëmijët e dhunuar, duhet të ndiqen penalisht dhe qysh nesër do ta raportoj në polici!”, ka shkruar Haxhiu.
E pas kësaj ka reaguar edhe vetë Blakaj, i cili ka thënë se Haxhiu s’ka nevojë ta kërkojë pasi ai do të vijë vetë në Kosovë vetëm duhet të lajmërohet disa orë më herët.
Ndryshe Blakaj ishte ish-anëtar i Lëvizjes Vetëvendosje në kuadër të Komunës së Istogut.
E pas kësaj ka reaguar edhe analisti, Imer Mushkolaj, i cili tha se pushteti po kërcënon me padi njerëzit edhe për humor e satirë.
“Pushteti po kërcënon me padi njerëzit edhe për humor e satirë. Dobët, fort dobët”, tha ai.