Jose Mourinho, e mori humbjen e parë në një finale në karrierë. Sevilla e mposhti në finalen e Europa League. Menjëherë pas përfundimit të ndeshjes, portugezi u shpreh krenar për ekipin e tij, por nga ana tjetër nuk i kurseu thumbimet për arbitrin.

“Ne mund të largoheshim nga këtu me Kupën ose të vdekur, tani kemi vdekur. Kemi vdekur fizikisht, kemi vdekur pasi rezultati ishte i padrejtë dhe këtu ka kaq shumë episode për t’u diskutuar, por në fund jemi krenar.

I thashë lojtarëve që unë kam fituar 5 finale dhe tani kam humbur një, por nuk largohem më pak krenar në shtëpi se në ato 5 finale që kam fituar. Sot kemi luajtur një finale me një arbitër që dukej sikur ishte spanjoll, shumë kartonë të verdhë jepte dhe kur ishte mundësia që Lamela të merrte kartonin e dytë të verdhë, nuk ia dha. Pastaj Lamela merr përsipër penalltinë dhe na shënon, kjo tregon padrejtësinë”, tha Mourinho.