Mot i ndryshueshëm parashihet të karakterizojë javën e dytë të muajit prill.
Instituti Hidrometeorologjik i Kosovës ka njoftuar se javën e parë të prillit do të kemi mot të ndryshueshëm.
Të hënën priten vranësira, derisa në mëngjes parashihen edhe ngrica, ndërsa e marta do të ngjasojë me të hënën, përveç se në disa vende mund të ketë edhe reshje shiu.
E mërkura do të karakterizohet me reshje shiu e bore dhe mot të ftohtë, ndërsa nga e enjta priten ngritje graduale e temperaturave.
Temperaturat minimale do të lëvizin nga –2 deri në 2 gradë Celsius, ndërsa maksimalet parashihet të lëvizin 4-14 gradë Celsius.
Njoftimi i plotë i IHMK-së:
Java e dytë e muajit prill do të karakterizohet me mot të ndryshueshëm. Të hënën mot me diell dhe vranësira të shpërndara, në mëngjes parashihen ngrica të dobëta. Dita e martë do të vijoj me kushte po thuaj të njëjta meteorologjike, por që vende-vende parashihen riga shiu. Të mërkurën mot i ftohtë dhe me kushte për reshje shiu dhe bore. Nga dita e enjte parashihen rritje graduale të temperaturave maksimale, por që minimalet mbesin nën vlerat e mesatareve për periudhën që jemi. Temperaturat minimale do të lëvizin ndërmjet -2 deri 2 gradë Celsius, ndërsa maksimalet e ditës parashihen të lëvizin ndërmjet 4-14 gradë Celsius. Do të fryjë erë nga veriu dhe jugperëndimi me shpejtësi 1-7m/s.
Kushtet biometeorologjike mbeten të pafavorshme për një shtresë të popullatës me sëmundje kronik. Edhe kushtet agrometeorologjike nuk paraqiten të favorshme sidomos për fushën e pemëtarisë për shkak të mundësisë së temperaturave minimale (negative) që mund të regjistrohen në orët e para të ditës./Demokracia/