Lajme
Moti i favorshëm, mbushen plazhet në Shqipëri edhe gjatë shtatorit
Demokracia
23:18 | 04 Shtator 2022

Share:

Pushuesit zgjedhin shtatorin për pushime për qetësinë dhe çmimet që ofrohen.

Kushtet e favorshme atmosferike kanë bërë që edhe kjo fundjavë të jetë e frekuentuar nga pushuesit në Shëngjin.

Shtatori mbetet një muaj preferencial për të pushuar, pikërisht për qetësinë që të ofron dhe kushtet atmosferike.

Kushtet e mira akomoduese, pastërtia dhe mikpritja janë disa nga arsyet pse shumë pushues zgjedhin Shëngjinin.

Në këtë periudhë të vitit pushuesit thonë se gjejnë oferta më të lira.

Fundi i sezonit veror duket se është ende larg edhe në Durrës.

Të favorizuar edhe nga temperaturat e larta, të shumtë janë pushuesit që kanë frekuentuar bregdetin e Durrësit këtë të diel shtatori.

80% e hotelerive në Durrës sipas operatorëve turistik janë të prenotuara nga pushues vendas, por edhe turistë të huaj deri në fillim të tetorit.

Në këtë periudhë të vitit pushuesit thonë se gjejnë më shumë pastërti, qetësi dhe oferta më të lira.

Nuk janë vetëm frekuentues ditor. Shumë prej tyre po kalojnë edhe pushime të gjata.

Përgjatë këtij sezoni Durrësi u përball me një fluks të lartë turistësh, duke tejkaluar edhe atë të vitit 2019./TV Klan

Të ngjashme