Moti në vendin tonë do të jetë i ndryshueshëm, parashihen reshje bore dhe shiu. 

Instituti Hidrometeorologjik i Kosovës njofton se java e fundit në vendin tonë do të karakterizohet me mot të ndryshueshëm dhe si pasojë e kësaj situate parashihet të kemi reshje shiu dhe bore. 

“Java e fundit e stinës së dimrit do të jetë e ndryshueshme. Kjo situatë meteorologjike vije si pasojë e masave relativisht të ftohta që vijnë nga ana veriperëndimore e Kontinentit. Parashihet të kemi rënie në fushat barike dhe ato termike dhe si rezultat i këtyre ndryshimeve fizike parashihen reshje shiu dhe bore”, thuhet në njoftimin e IHMK-së. 

Situatë e tillë me mot të ngjashëm do të vazhdojë deri më datat 18 dhe 19 mars, ndërsa më pas parashihen kthjellime dhe një rritje e lehtë e temperaturave. Temperaturat minimale gjatë pesë ditëve të ardhshme parashihet të lëvizin ndërmjet -3 deri 3 gradë Celsius, ndërsa maksimalet do të lëvizin ndërmjet 4-7 gradë Celsius, përcjell Demokracia.com. 

“Kjo situatë e paqëndrueshme do të vazhdoj deri me datën 18 apo 19 mars, pastaj mbi vendin tonë parashihen kthjellime dhe rritje të lehta të temperaturave. Temperaturat minimale gjatë këtyre pesë ditëve të ardhshme parashihen të lëvizin ndërmjet -3 deri 3 gradë Celsius, ndërsa maksimalet e ditës parashihen të lëvizin ndërmjet 4 deri 7 gradë Celsius”, njofton IHMK. 

Njoftimi i plotë i IHMK-së: 

Java e fundit e stinës së dimrit do të jetë e ndryshueshme. Kjo situatë meteorologjike vije si pasojë e masave relativisht të ftohta që vijnë nga ana veriperëndimore e Kontinentit. Parashihet të kemi rënie në fushat barike dhe ato termike dhe si rezultat i këtyre ndryshimeve fizike parashihen reshje shiu dhe bore. Borë kryesisht në viset mbi 800m lartësi mbidetare, ndërsa në viset e ulëta parashihet shi dhe borë. Kjo situatë e paqëndrueshme do të vazhdoj deri me datën 18 apo 19 mars, pastaj mbi vendin tonë parashihen kthjellime dhe rritje të lehta të temperaturave. Temperaturat minimale gjatë këtyre pesë ditëve të ardhshme parashihen të lëvizin ndërmjet -3 deri 3 gradë Celsius, ndërsa maksimalet e ditës parashihen të lëvizin ndërmjet 4 deri 7 gradë Celsius. 

Kushtet biometeorologjike nuk do të jenë të mira për një shtresë të popullatës që kanë sëmundje kronike, ndërsa pjesëmarrësve në trafik ju këshillohet kujdes i shtuar. Do të fryjë erë mesatare deri e fortë nga drejtimi i veriperëndimit./Demokracia/