Një makinë e cila ra papritur nga një parking shumëkatësh, përmbante një biznesmen rus, zonjën e tij shtatzënë dhe djalin e saj të vogël.

Sipas mediave të huaja,  bëhet fjalë për një ngjarje ku një veturë BMW M4 Coupe ra nga kati i tretë i një parkingu në qytetin rus Krasnodar dhe u përplas përmes barrierës së një qendre tregtare.

Që atëherë është raportuar se Rafael Arakelyan, 37 vjeç, vdiq së bashku me Ekaterina Kornilova, 37 vjeçe dhe djalin e saj 10-vjeçar, Dima.

U raportua se Rafael dhe Ekaterina i kishin rrëfyer burrit të saj Alexey Kornilov se kishin qenë në një lidhje trevjeçare.

Madje, “Alexey mësoi se gruaja e tij kishte qenë në një lidhje me Rafael për tre vjet dhe fëmija nuk ishte i tij”.

Ndërkohë supozohet se Rafael kaloi “me shpejtësi” përmes barrierës dhe nuk kishte asnjë shenjë të përdorimit të frenave, sipas raporteve.

Mjekët e ndihmës mjekësore shkuan në vendngjarje shpejt, por nuk mundën të shpëtonin Rafaelin, Ekaterinan, 37 vjeçe, apo djalin e saj.

Disa raporte sugjeruan se ka pasur një “përleshje” mes Rafaelit dhe Ekaterinas në qendrën tregtare Gallery pak para përplasjes, raportojnë mediat Shot.

Hetuesit kanë frikë se shoferi mund të ketë vënë qëllimisht këmbën e tij në pedalin e gazit pas debatit të raportuar.

Gjithashtu po hetohet nëse drejtuesi i mjetit ka humbur kontrollin apo ka pasur defekt teknik apo edhe sabotim të mjetit.

Rafael e kishte blerë BMW-në rreth një muaj më parë, sipas të dhënave dhe një hetim i plotë është duke u zhvilluar për aksidentin.

Rafaeli kishte kapërcyer varësinë nga droga dhe më vonë drejtoi një klinikë për njerëzit që vuanin nga alkoolizmi, si dhe varësia nga droga dhe lojërat.