Një grup oficerësh policie në Peru , njëri prej të cilëve ishte maskuar si Santa Claus për të qenë “i pazbuluar”, çmontoi një bandë trafikantësh droge në një qytet në veri të Limës.
Oficerët e policisë kanë surprizuar dy personat që po shisnin marihuanë në një shtëpi në Urale. Njëri prej tyre “u veshu si Santa Claus për të kaluar pa u vënë re në këtë lagje të rrezikshme”, u tha gazetarëve koloneli Walter Palomino, kreu i njësisë së narkotikëve të policisë peruane.
“Strategjia jonë ka qenë e suksesshme,” shtoi ai.
Babagjyshi” nuk ka hyrë nga oxhaku për të ndarë dhuratat por ka thyer derën e shtëpisë dhe ka arrestuar njërin nga të dyshuarit.
Në këtë operacion u arrestuan dy persona dhe u sekuestruan qindra pako marijuanë, vlera e të cilave ende nuk është përcaktuar.